Home / Diasporë / ZVICRA – DANIMARKA, DHE TETË SHTETET TJERA MË TË SIGURTA NË BOTË

ZVICRA – DANIMARKA, DHE TETË SHTETET TJERA MË TË SIGURTA NË BOTË

Indeksi Global i Paqes për vitin 2016 së fundmi është publikuar nga Instituti për Ekonomi dhe Paqe, dhe ka zbuluar shtetet më të sigurta në botë.

Edicioni i dhjetë i këtij raporti, i cili është publikuar me 8 qershor, ka vlerësuar 163 shtete në bazë të niveleve të paqes dhe kësisoj ka përpiluar një listë me shtetet më të sigurta në botë, transmeton Telegrafi.

Çdo shtet është vlerësuar me një notë deri në 5 sa i përket paqes (aq më e vogël nota, aq më i lartë niveli i paqes), dhe ka matur nivelin e sigurisë në shoqëri, konfliktet e dhunshme dhe ndërkombëtare, militarizimin, etj.

iç duket, Islanda ka marrë titullin e shtetit më të sigurt në botë. Me një rezultat prej 1.192, ky shtet evropian është renditur i pari sepse ka mungesë të dhunës dhe konflikteve ndërkombëtare, e gjithashtu në shoqëri mbizotëron paqja.

Danimarka është renditur e dyta me një rezultat prej 1.246, përderisa Austria ka zënë vendin e tretë sa i përket shteteve me sigurinë më të madhe në botë, me një rezultat prej 1.278.

Kjo është lista me dhjetë shtetet më të sigurta në botë:

– Islanda: 1.192

– Danimarka: 1.246

– Austria: 1.278

– Zelanda e Re: 1.287

– Portugalia: 1.356

– Republika Çeke: 1.36

– Zvicra: 1.37

– Kanada: 1.388

– Japonia: 1.395

– Sllovenia: 1.408. 


Lajmi Fresh

Alarmi: Emigrimi po ndikon në uljen e popullatës

Trendët demografike të popullsisë në Kosovë do të shënojnë një bilanc negativ deri në vitin …