Home / Dasmat / Fjalimi emocionues i një babai, në dasmën e së bijës: “Të lutem, bëje vajzën tonë të lumtur!”

Fjalimi emocionues i një babai, në dasmën e së bijës: “Të lutem, bëje vajzën tonë të lumtur!”

Me siguri ju ka rastisur të lexoni ose të dëgjoni fjalime të prindërve në dasmat e fëmijëve.

Secili është i bukur në mënyrën e vetë, si i thënë thjesht, ashtu dhe i thurur bukur. Çdo fjalim ka veçantinë e vetë, por duke lundruar në internet, më rastisi të dëgjoj një video fantastike që doja ta ndaja sa më parë me ju. Është një baba që i drejtohet dhëndrit të tij, gati i përlotur. Më besoni se do të përloteni edhe ju në fund të këtij fjalimi :

“Mendoj se duhet ta nis fjalimin tim duke e adresuar dhëndrin si “familjen e re” për vajzën time, por mendoj se kjo do të jetë një fjalë e papërshtatshme, sepse tani që vajza ime është martuar me ty, ti je familja e saj. Më beso : këtë gjë nuk e kam aspak problem. Unë, në fakt, dua të të ketë ty si prioritetin e saj që tani e tutje. Është koha që ne, prindërit e saj, të pozicionohemi pak larg jetës së vajzës sonë. Ne e pranojmë me vështirësi këtë gjë, por kemi një kërkesë ndaj teje : “Të lutem, bëje vajzën tonë të lumtur!”

Unë jam i sigurtë se ti do e bësh mjaft të lumtur. Ajo ndoshta do të jetë më e lumtur, nga sa ishte me ne. Por si të gjithë baballarët, edhe unë jam “i fiksuar” që vajza ime të jetë e lumtur, ndaj ta kam thënë dhe do ta them vazhdimisht : “Të lutem, bëje vajzën tonë të lumtur!”

Vajza jonë nuk ka qenë dhe nuk ka për të qenë kurrë një barrë për ne. Ajo është arsyeja se pse unë marr frymë dhe buzëqesh. Ajo po martohet tashmë, sepse kështu e kërkon ligji i natyrës.
Ajo ishte lumturia e shtëpisë sonë dhe tani do t’i japë dritë shtëpisë tënde. Unë po të jap ty botën time. Të lutem, sigurohu që ajo të mbetet e bukur. Unë po të jap ty princeshën time, ndaj bëje atë të jetojë si një mbretëreshë. Unë e kam rritur atë me gjak dhe djersë, dhe ja pse sot, ajo është perfekte. Për gjithë përkujdesjen, dashurinë, bukurinë dhe ngrohtësinë që do të sjellë në jetën tuaj vajza ime, unë kërkoj në këmbim lumturinë e saj. “Të lutem, bëje vajzën tonë të lumtur!”

Për çdo rast kur vajza jonë thotë, apo bën diçka gabim, mos ngurro ta qortosh atë. Të lutem, trajtoje atë me dashuri. Ajo është shumë e ndjeshme. Kur ajo të ndihet keq, qëndroji pranë. Ajo do të ketë nevojë për vëmendjen tënde. Kur ajo të ndihet e sëmurë, tregoji asaj kujdes. Përkujdesja është ilaçi më i mirë për të. Kur ajo të mos e përmbushë një përgjegjësi, ndëshkoje, por jo ashpër. Ajo është ende duke mësuar, ndaj përpiqu ta kuptosh. “Të lutem, bëje vajzën tonë të lumtur!”
lexo me shum http://dritarjaonline.net/


Lajmi Fresh

Shumm bukur atmosfera nga grupi, si çdo herë 💋💗

Grupi Emracom – Potpuri 3 (Gezuar 2018) Shumm bukur atmosfera nga grupi, si çdo herë …